第1項代誌 服裝儀容宣導：
出入學校的時，愛掛號碼牌仔佮喙罨。
第2項代誌 校園安全宣導：
1袂使佇走廊佮樓梯間走傱。
2袂使去樓尾頂耍。
3袂使亂敲110、119，妨礙緊急報案專線。
4來讀冊毋通家己一个人傷早到學校，放學嘛莫傷晏離開校園。
5佇校外發現生份人咧跟綴，愛趕緊走去人較濟的所在，抑是就近入去週邊的愛心商店，並且大聲喊喝，引起他人的注意，尋求協助。
第3項代誌 交通安全宣導：
1騎坐機車愛戴安全帽，袂使超載，以免發生危險。
2坐車請縖安全帶，依照規定使用幼囡仔安全椅。
3過車路愛注意大貨車斡彎看袂著的死角，以免著傷。
4行路的時莫看手機仔，才袂跋倒著傷。
5落雨天愛穿雨鞋、雨衫，保護家己佮別人的安全。
第4項代誌 法律常識宣導：
1去到超商抑是冊店買物件的時，愛會記得納錢以免犯法。
2袂使對懸樓層擲物件落去，若傷著人抑是破壞物件，愛負法律責任。
第5項代誌 反霸凌宣導：
1請莫孤立排斥同學。
2請莫烏白散播謠言，亂講話。
3請莫用言語恐喝別人。
4使用網路，請莫和人相冤家，留話罵人。
第6項代誌 反詐騙宣導：
接著不明電話的時，會使敲165反詐騙專線，小心求證。
第7項代誌 一氧化碳中毒宣導:
寒天洗身軀的時，愛注意通風，鼻著gas的臭味著愛細膩，以免發生gas中毒。
(以上報告完畢)
